Meänkielen resursipipluteekki
Resursipipluteekin tarkotus oon tukea ja innostaa maan kunnalisia pipluteekkiä nostahmaan framile meänkielisiä kirjoja ja muuta meetiaa, ja tehjä meänkieli näkyväksi.
Met halvama kans auttaa sinua, joka haet kirjoja, materiaalia, inspirasuunia ja metutia, pitähmään yllä meänkieltä elävännä. Piiain sie halvat oppia meänkieltä elin sinun lapsi/oppihlaat halvava oppia sitä.
”Meänkieli oon meän kieli”
Aktyelliä
Viimesimpiä kirjoja meänkielelä
Viimesimpiä kirjoja kulttuurista ja kielestä – ruottiksi
Beställ nyhetsbrev
Halvaks tilata uutispreivin joka tullee suunile kaks kertaa vuoessa? Uutispreivi lähätethään ruottiksi.
Lasten filmiä ja tv-seerieitä
Filmiä, tv-seerieitä, poddia
Meänkielisiä e-kirjoja Bläddra-lukuapissa.
Nyt voivat kaikin lukea meänkielisiä e-kirjoja Kungliga bibliotekin Bläddra-lukuapissa. Aluksi tänne oon laitettu rapeasti 60 tiitteliä raahvaitten- ja lastenkirjalisuutta. Täälä oon kans äänikirjoja (raahvaile). Palvelu oon ilmanen.
Polarbibblo
Polarbibblo.se -sivuile saattava lapset lähättää tekstiä, riittauksia ja kirjatipsiä omala kansalisela minuriteettikielelä, niinkö meänkielelä, ja saaja net julkastuksi Polarbibblon nettisivuila. Sielä saattaa kans lukea mitä muut lapset oon kirjottanheet, pelata, ratkasta quiziä ja olla myötä lotteriissa.
Polarbibbloa vettää Regionbibliotek Norrbotten yhtheistyössä Norrbottenin pipluteekitten kans. Se oon ilmanen ja suunattu etupäässä lapsile 9-12 vuotta.
Susanne Redebo
Toiminan kehittäjä
073-037 15 74
susanne.redebo@overtornea.se
Sari Oja
Kulttuuripetakooki
070-628 47 37
sari.oja@overtornea.se